ठुलो संर्घष पछि साउदीको जेलबाट बन्दी जीवन बिताएर रिहा भए भुसाल

पैसा कमाएर सुखी र खुशी जिन्दगी बिताउने सवैको इच्छा हुन्छ । त्यहि खुशी सुखी जिबनको सपना बुनेर लाखौ नेपाली बिदेशी भुमीमा काम गर्न बाध्य छन् । थोरैको सोचे जस्तो भएकोे भएता पनि धेरैको भने बैदेशिक रोजगार कहाली लाग्दो छ । यस्तै भएको छ ३८ बर्षिया थानेश्वर भुसालाई । घरमा रहेका बुबा आमा र श्रीमतीलाई बिदेशबाट पैसा कमाएर खुशी बनाउने सपना दसा बन्न पुग्यो । भुसाल करिब ५ वर्षदेखि साउदीको जेलमा बन्दी जीवन बिताएर रिहा भएका छन् । उनलाई जेद्दास्थित महावाणिज्य दूतावासमा ल्याएको छ । उनलाई अब डिपोर्टेशन सेन्टरबमा पठाएर नेपाल फर्काउन अन्तिम प्रक्रिया पुरा गर्नुपर्नेछ । थानेश्वरसँगै साथमा नगेन्द्र लामा पनि जेलमुक्त भएका छन् । भुसाललाई जेलमुक्त गर्न प्रवासी नेपाली समन्वय समिति (पीएनसीसी)ले ४५ लाख रुपैयाँ रकम संकलन गरेको थियो । युवा अवस्थामा नै विदेशिएका थानेश्वर अहिले ३८ वर्षका भए । गाडी चलाउँदै गर्दा उनको गाडी र अर्को गाडी ठोक्कियो । दुई गाडीसँग अर्को गाडी पनि आएर चेप्पियो र २ जनाको ज्यान गयो । साउदीको अदालतले दुर्घटनामा आफैं पनि घाइते भएका थानेश्वरलाई दोषी ठहर गर्यो र पीडित परिवारलाई १ लाख ५० हजार रियाल अर्थात ४५ लाख रुपैयाँ ब्लडमनी स्वरुप क्षतिपूर्ति भराउन थानेश्वरका नममा आदेश दिएको थियो ।