ठुला मेनपावरकै चलखेलका कारण मेनपावरको धरौटी बढर्दै, तर साना मेनपावर व्यवसायी भने अलमलमा

श्रम, रोजगार तथा सामाजिक सुरक्षा मन्त्री गोकर्ण विष्ट वैदेशिक रोजगारीमा जाने कामदारको स्वास्थ्य परिक्षणको सिण्डिकेट तोडेर चर्चामा छन् । वैदेशिक रोजगारको क्षेत्रमा देखा परेका बिकृत्ती सवै अन्त्य गर्ने बताउँदै आएका छन् । मन्त्री बिष्टले स्वास्थ्य परिक्षणमा देखिएको सिण्डिकेट पछि मेनपावरको धरौटी बढाउने तयारी गरेका छन् । मन्त्री भए देखी वैदेशिक रोजगार व्यवसायीलाई औपचारिक रुपमा नभेटेका मन्त्री बिष्टले व्यवसायीलाई बोलाएर धरौटी बढाउने सकेत गरेका हुन् । साथै व्यवसायीको राय पनि लिएका छन् । मेनपावर व्यवसायीहरुबीच वैदेशिक रोजगारको पछिल्लो अवस्थाको बारे छलफल भएको छ ।
मेनपावरहरुलाई कानुनी दायरामा ल्याउन र ठगि नियन्त्रण गर्न धरौटी बढाउन लागिएको मन्त्री बिष्टको भनाई छ । मन्त्रीको यो भनाई पछि ठुला व्यवसायी र साना व्यवसायी दुई खेमामा उभिएका छन् । ठुला धेरै पैसा कमाएका मेनपावर व्यवसायी जतिसको धेरै धरौटी बनाउन मन्त्रीलाई दवाब दिएका छन् भने साना व्यवसायी नत मन्त्रीलाई नै भेटेर आफना कुरा राख्न सकेका छन् नत कुनै निर्णय लिन । अहिले साना मेनपावर व्यवसायी अलमलमा परेका छन् भने ठुला व्यवसायीमा भने खुर्सीयाली छाएको छ ।