सोमबार, साउन ११ २०८३
बुधबार, १२ जेष्ठ २०७८
काठमाडौं । भारतले नेपालको राजनीतिक घटनाक्रमलाई आन्तरिक मामिला भएको प्रतिक्रिया दिएको छ । नेपालमा दोस्रो पटक संसद विघटन लगायतका घटनाक्रम पछि भारतले पहिलो पटक आफ्नो प्रतिक्रिया दिएको हो ।
भारतीय विदेश मन्त्रालयका प्रवक्ता अरिन्दम बागची ले नेपालको घटनाक्रम नोट गरेको बताएका छन् । उनले पत्रकारहरुको प्रश्नमा घरेलु फ्रेमवर्क र प्रजातान्त्रिक प्रक्रियाबाट उनीहरुले नै समाधान गर्ने विषय भएको बताएका छन् ।
उनले भनेका छन्, ‘यो उनीहरुको घरेलु फ्रेमवर्क र प्रजातान्त्रिक प्रक्रियाद्वारा उनीहरुले नै समाधान गर्ने विषय हो।’ त्यस्तै उनले नेपालले अहिलेको समस्या आफै समाधान गर्नपर्ने पनि बताएका छन् । उनले भनेका छन्, ‘नेपालले पछिल्लो समस्या आफ्नै घरेलु ढाँचा र लोकतान्त्रिक प्रक्रियामा रहेर समाधान गर्नुपर्छ ।’
© 2026 All right reserved to khabarbreaking.com | Site By : SobizTrend
