यी हुन् बामगठबन्धन सरकारका सबैभन्दा धनी अर्बपति मन्त्री

धन सम्पत्ति भने पछि सवैको आखा जाने गर्छ । पैसा कै लागी मानिसले जे पनि गर्ने त्यार हुन्छ । त्यसैले नै पैसाको महत्त्व बेग्लै छ । प्रधानमन्त्री देखी मन्त्रीहरुले आफनो सम्पत्तिको बिबरण बुझाएका छन् । कुन मन्त्री बढी धनी भन्नेमा सवैको चासो छ । यस्तै वर्तमान सरकारका भौतिक पूर्वाधार तथा यातायात मन्त्री रघुवीर महासेठ सम्पत्तिको मालिक रहेको देखिएको छ ।
महासेठले प्रधानमन्त्री तथा मन्त्रिपरिषद्को कार्यालयमा बुझाएको सम्पत्ति विवरणमा श्रीमती जुली महतोको नाममा ललितपुर( २५ मा ५८ सय वर्गफिटमा फैलिएको साढे दुई तले घर रहेको उल्लेख गरेका छन् । यस्तै धनुषामा ४२ सय वर्गफिटमा फैलिएको साढे २ तले र धनुषाकै मिथिला बिहारी नगरपालिकामा पैत्रिक घर रहेको उल्लेख छ ।
यस्तै ललितपुर महानगरपालिकाभित्र दुई कित्ता गरी ४ रोपनी ४ आना जग्गाभन्दा बढी जग्गा श्रीमतीकै नाममा रहेको उल्लेख छ । श्रीमतीकै नाममा धनुषामा ८ विघा ५ कट्ठा, आफ्नै नाममा १ विघा १५ कठ्ठा जग्गा रहेको मन्त्री महासेठले उल्लेख गरेका छन् ।महासेठसँग सुन ५२ तोला छ । जसमध्ये २५ तोला दाइजोमा प्राप्त भएको उनको दाबी छ । यस्तै उनीसँग डेढ किलो चाँदी पनि छ । आफूसँग ४० करोड रुपैयाँ बराबरको शेयर रहेको उनले उल्लेख गरेका छन् । महासेठको सम्पूर्ण चलरअचल सम्पति हेर्दा त्यसको मूल्याङ्कन अर्बमा हुन आउँछ । सगोलमा १४६ विघा जग्गा रहेको उल्लेख गरेका महासेठले २३ करोड रुपैयाँ ऋण रहेको उल्लेख गरेका छन् ।उनको यो सम्पत्ति बिबरणले सवैतिर चर्चा कमाएको छ ।