उद्योगी व्यवसायीलाई नआत्तिन महासंघका अध्यक्ष ढकालकोआग्रह

खबरब्रेकिंग, काठमाडौँ, बैशाख २५ गते । नेपाल उद्योग वाणिज्य महासंघका अध्यक्ष चन्द्रप्रसाद ढकालले मुलुकमा देखिएको आर्थिक संकटमा केही समयपछि विस्तारै सुधार आउने र व्यापार व्यवसाय राम्रो हुने दाबी गरेका छन । काठमाडौंमा हिमालय सीमापार व्यापार संघले आइतवार गरेको कार्यक्रममा बोल्दै अध्यक्ष ढकालले यस्तो दाबी गरेका हुन । आर्थिक संकट सुधारोन्मुख भएको बताउँदै उनले उद्योगी व्यवसायीलाई नआत्तिन आग्रह गरे ।

उने भने,‘एक डेड वर्षमा अहिलेको अवस्थामा विस्तारै सुधार हुँदै जान्छ । व्यवसायीले निरास बन्नुपर्ने अवस्था छैन। आत्तिनु पर्दैन।’ घरायसी समस्याका कारणले भएका आत्महत्या हत्यालाई अर्थ र व्यापारसँग जोडेर विश्लेषण गर्नु ठिक नभएको उनको भनाई छ ।

उनले भने,‘विभिन्न घरायसी र अन्य कारणले कतिपय मान्छेले आत्महत्या गरेका छन् । त्यसलाई अर्थ र व्यापारसँग जोडेर हेर्ने गरिएको छ। सबै बिषयलाई आर्थिक पक्षसँग जोडेर हेरिनु ठिक होइन। यस्ता घटनामा यर्थाथ पक्ष हेरिनुपर्छ ।’