सोमबार, साउन ११ २०८३
सोमबार, १२ फाल्गुन २०८१
१२ फागुन, काठमाडौं । नेपाल स्टक एक्सचेन्ज (नेप्से)को प्रमुख कार्यकारी अधिकृत (सीईओ) पदका लागि दरखास्त आह्वान गरिएको छ। आज एक सूचना जारी गर्दै नेप्सेमा सीईओ नियुक्तिका लागि गठित सिफारिस समितिले यो प्रक्रिया सुरु गरेको हो। यो पदका लागि तोकिएका योग्यताहरूमा कम्तीमा स्नातकोत्तर उत्तीर्ण हुनु, उच्च व्यवस्थापकीय तहमा काम गरेको अनुभव हुनु, र विभिन्न कानुन अनुसार अयोग्य नहुनु पर्दछ।
आगामी सात दिन भित्र अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा, सिंहदरबारमा इच्छुक व्यक्तिहरूले तोकिएको योग्यता पूरा गरेको खण्डमा आवेदन दिनुपर्नेछ।
इच्छुक व्यक्तिहरूले तोकिएको मापदण्ड पूरा गरेपछि मात्र आवेदन प्रक्रिया अगाडि बढाइने छ। यस प्रक्रिया र योग्यताको आधारमा सिफारिस समिति उचित व्यक्ति चयन गर्ने प्रक्रिया अघि बढाउनेछ।
© 2026 All right reserved to khabarbreaking.com | Site By : SobizTrend
