मकर जितुमाया सुरी हाइड्रोपावरको १६औं साधारणसभाबाट वार्षिक तथा वित्तीय प्रतिवेदन सर्वसम्मतले पारित

२१ पुष , काठमाडौं । मकर जितुमाया सुरी हाइड्रोपावर लिमिटेडले १६औं बार्षिक साधारणसभा सम्पन्न गर्दै कम्पनीको वार्षिक तथा वित्तीय प्रतिवेदन सर्वसम्मतले पारित गरेको छ।

कम्पनीका अध्यक्ष हिमाल गुरुङको अध्यक्षतामा आइतबार  ( २१ पुष  ) काठमाडौंमा   सम्पन्न साधारणसभाले अध्यक्षद्वारा प्रस्तुत कम्पनीको समीक्षा आर्थिक वर्ष २०८०/०८१ को बार्षिक प्रतिवेदन छलफल र सुझाव सहित पारित गरेको हो ।

त्यस्तै , लेखापरीक्षण प्रतिवेदन, वासलात, नाफानोक्सान हिसाब, नगद प्रवाह विवरण , आव २०८१/०८२ को लागि लेखापरीक्षक नियुक्ति तथा निजको पारिश्रमिक तोक्ने लगायतका  प्रस्तावहरु सभा ले पारित गरेको छ ।

यस कम्पनीले दोलखा जिल्लाको गौरीशंकर गाउँपालिकामा अवस्थित ७ मेगावाटको सुरी खोला जलविद्युत आयोजना र माथिल्लो सुरी खोला जलविद्युत आयोजनाबाट विगत २ वर्ष देखि व्यावसायिक विद्युत उत्पादन गर्दै आएको छ। समीक्षा आर्थिक वर्षमा कम्पनीले रु. २५ करोड ९२ लाख बराबरको विद्युत उत्पादन गरि बिक्री गरेको जनाएको छ।

साधारणसभामा शेयरधनीहरुको प्रश्न र जिज्ञासाको  अध्यक्ष गुरुङले जवाफ दिएका  थिए ।