संसदमा विधेयक पारित भए संगै यस्तो आयो काँग्रेसको प्रतिक्रिया

काठमाडौं– संसदमा चिकित्सा शिक्षा विधेयक पारित भए संगै बिभिन्न टिकाटिप्णी सुरु भएका छन् । प्रमुख प्रतिपक्ष दल नेपाली कांग्रेसले खुलेर असन्तुष्टी जनाएको छ । यस्तै काँग्रेस सभापति शेरबहादुर देउवाले सरकारले तानाशाही शैलीमा चिकित्सा शिक्षा विधेयक २०७५ पारित गरेको उनको भनाई छ । सभापति देउवाले सभामुख कृष्ण बहादुर महराले विधेयक प्रस्तुत गर्ने क्रममा आफ्नो मर्यादा समेत भुलेको आरोप लगाए ।

पूर्वप्रधानमन्त्री समेत रहेका देउवाले सरकारले जवरजस्ती विधेयक पारित गरेकाले सरकारविरुद्ध काँग्रेसले सडक र सदनबाट आन्दोलन थाल्ने बताए । त्यस्तै काँग्रेसका सांसद गगन थापाले विधेयककका विषयमा प्रतिपक्षले असहमति जनाउँदा जनाउँदै एक पटक संवाद समेत नगरी दुई तिहाइको बलमा विधेयक पास गरिएको आरोप लगाए ।

उनले सत्तापक्षले निषेधको राजनीति गरेको भन्दै काँग्रेसले सडक र सदनबाट सरकारविरुद्ध आन्दोलन गर्ने चेतावनी दिए । थापाले सभामुख कृष्णबहादुर महराले प्रतिपक्षलाई संसद चलाउदिन भनेर ढाँटेर संसद चलाएको समेत आरोप लगाए ।