शुक्रबार, भाद्र २६ २०८३
सोमबार, १८ पुष २०७९
पोखरा । १ जनवरी २०२३ अर्थात अङ्ग्रेजी नयाँ वर्षको अवसर पारेर पुष १७ गते पोखरा अन्तर्राष्ट्रिय विमानस्थलको भव्य उद्घाटन कार्यक्रम सम्पन्न भएको छ ।
पोखरामा आयोजित विशेष समारोहमा पानसमा दीप बालेर प्रधानमन्त्री पुष्पकमल दाहाल प्रचण्डले अन्तर्राष्ट्रिय विमानस्थल औपचारिक उद्घाटन गरेका हुन् ।
समारोहमा पोखरावासीको उत्साहजनक उपस्थिति थियो । त्यहाँ हेलिकोप्टरमार्फत् पुष्प वृष्टि गरिएको थियो ।
आइतबारदेखि सञ्चालनमा आएको पोखरा अन्तर्राष्ट्रिय विमानस्थल चीन सरकारको ऋण र अनुदानमा निर्माण भएको हो । करिब २२ अर्ब रुपैयाँको लागतमा निर्माण भएको यो विमानस्थलमा चीन सरकारले ७५ प्रतिशत ऋण र २५ प्रतिशत अनुदान दिएको छ । आइतबारदेखि विमानस्थल सञ्चालनमा आएसँगै पोखरामा आन्तरिक तथा बाह्य पर्यटकको सङ्ख्या बढ्ने सरोकारवालाहरूको अपेक्षा छ ।
© 2026 All right reserved to khabarbreaking.com | Site By : SobizTrend
